Чоңдор да, балдар да, кимдир бирөө менен учурашса, же рахмат айтса, же маселесине көңүл бурса, бул бир нерсе үчүн эле эмес. Бул анын адамдык сапатын, адептүүлүгүн жана сылыктыгын көрсөтөт. Сылык айтылган — “кечириңиз”, “суранам”, “рахмат” деген сөздөр дайым маанилүү жана көп нерсени билдирет. Адептүүлүк бул жөн гана сылык-сыпаа сөздөрдү айтып коюу эле эмес. Адептүүлүгүңдү жасаган иштериң да айкындайт. “Сылыктык айтууга оңой бирок өтө баалуу нерсе.” Минтип М.Сервантес айткан. Ал эми турмуштан алынган даанышман сөздө: «Сылыктык эң бир жөнөкөй нерсе, бирок көп нерсеге жеткирет» делет.